大家樂 (已結業)

放工黎打個邊爐，細細鍋一人一鍋，揀左牛豬呢個餐，五十四蚊無餐飲，價錢都算合理啦，好似加七蚊有特飲一杯。自助醬料架，有辣椒粒，鹹豉油，麻醬等。但當晚去到已比人攞清，而且無refill之感，攞左淨低嘅少少辣椒同豉油。等左成半個鐘先有得攞餐，賣相都幾好，但盒豬肉同牛肉未解凍仲係冰住一舊，唯有食左蔬菜同烏冬先。湯底揀左蕃茄湯，幾清甜。配菜有雜菇，生菜，蕃茄仔，粟米，烏冬等，啱哂打邊爐。味道唔錯，比較奇怪係個餐跟嘅係甜豉油，我覺得同打邊爐唔夾。而且食完都未解到凍，最後成餅豬肉，牛肉擺落去個爐到煲熟佢。