相馬日式火鍋 (已結業)

今晚同朋友到荃灣gathering，大鴻輝可算是食火鍋的集中地吧！我地揀咗位於21樓的「相馬日式火鍋」。係ShabuShabu 120分鐘放題，價錢相宜喎，我地揀咗$258。一人一鍋！自己選湯底，唔駛爭😂😂我地幾個都分別選了豬骨、蕃茄及辛辣湯底。食肉獸至啱啦！牛肉、豚肉及雞肉任食😍牛肉切得好薄，好嫩滑，牛味道可以不用點醬料已好好味！豚肉及雞肉質素也不錯。👍🏻還有炸物及串燒可以任叫！最愛炸物的我，最欣賞就是炸小蕃薯，好好食！要一叫再叫，仲有炸雞皮也相當出色👍🏻另外出面有一個自助吧台，有很多款式的蔬菜、丸類及粉麵烏冬！還有雪糕、甜品及朱古力小噴泉添！總結服務、環境、食材都相當好，呢個放題好滿足！性價比高！