麻神麻辣火鍋 (已結業)

晏晝一個人，凍凍地走左去食呢間麻神，之前聽過好多次，未正式黎食過，既然行開銅鑼灣，就食啦!入到黎無諗到晏晝都幾多人，呢度環境唔錯咁，好寬敞，而且座位間隔比出面D火鍋店感覺較大，坐得都舒服。我最後揀左個牛肉涮涮鍋，雖然晏晝，不過份量都幾多!主菜當然係牛，仲有蔬菜、粟米、蕃茄....最特別的是可以自己選擇餃子拼盤或丸拼盤，而且仲有得揀烏冬、飯或者手工麵，都有幾多choice，感覺較自由，想食咩都可以揀到。牛肉質唔錯，鮮嫩，食落啖啖肉，好有口感。個湯底辣得黎係帶麻味，超香，最正係連個麵一齊食，沾左湯汁，超滋味﹗呢個餐lunch黎講，價錢都OK，份量足，食到勁飽~