牛摩+ (沙田中心) (已結業)

有咩爽得過開大冷氣打邊爐？見牛摩有美國安格斯牛頸脊海鮮放題牛頸脊出名肉味濃厚，就試一試佢啦！我地唔係會員 $258+10%/一個人湯底都幾多選擇揀咗蟲草花雞白湯，清清地牛頸脊有驚喜，無論係頭一碟定追加，油花都好足，淥兩淥，好嫩滑，牛味濃牛肩胛都唔輸蝕，d油花靚到呢？！不過要講牛味都係牛頸脊濃d羊卷肉，唔騷放題仲包左自助放題區，白蘿蔔、蓮藕、茼蒿、芝士腸、芝士年糕、拉麵、韓國公仔麵、蕎麥麵、粟米、冬瓜、金菇都應有盡有另外，係apps入面亦可叫埋黑豚肉、雞肉、青口、魷魚仔、帆立貝、鴨血等最開心係可以叫埋牛摩飯，啱晒大食嘅朋友，一定食得飽食到最後，出去拎埋甜品，滿足子！兩個人埋單$563，中規中矩，啲牛頸脊都對得住個價錢！