8鍋臭臭鍋 (金巴利道) (已結業)

星期六下午時間唔需要排隊，一入餐廳門口已經聞到好大陣臭豆腐味。餐廳一共有9款鍋套餐，午餐時間$88，晚餐好似要$108，有鍋+飯或粉絲+紅茶或綠茶。我同朋友都點左招牌臭臭鍋，可以選擇辣度，因為第一次食所以我揀咗小辣🌶。材料好豐富，有臭豆腐、大腸、豬紅、貢丸、豬肉片、米血糕等等，好有台灣風味。仲有大量嘅蔬菜，感覺上健康啲。一上鍋已經聞到好大陣「香」味湯底有少少臭豆腐味，辣度溫和，煮到啲料好入味，唔需要點醬都已經好好食。另外加左＄5轉珍珠奶茶，味道不錯！個鍋其實好大個，加上成碗白飯同一杯飲品，真係超飽肚。下次會想試下臺式麻辣鍋同芝士牛奶鍋。