8鍋臭臭鍋 (金巴利道) (已結業)

同事食完呢間火鍋店,讚好好味,叫我下次一定要試吓⭐⭐今日同朋友喺尖沙咀行街經過,見唔使等位,就一於試吓,睇吓你係咪真係咁正先⭐8鍋臭臭鍋⭐係一間台式火鍋店，鋪頭裝修簡約，燈光昏暗，感覺幾似西餐廳，好有氣氛☺座位闊落，整體來講，環境都好舒服啊餐廳共有九款不同口味嘅火鍋選擇，主打一人一鍋火鍋🍲我無辣不歡，所以選擇咗台式麻辣鍋，佢有三種辣度選擇，今次我就選擇咗中辣度😋火鍋好足料，目測超過15款以上嘅餸係鍋裏面，仲好貼心咁，配有米粉或白飯，大食嘅朋友都一定夠飽肚啦😚火鍋湯底濃郁，麻辣感覺啱啱好，薄切牛肉片好有牛味，大腸本身都入晒味，配好嘅枝竹，娃娃菜，凍豆腐吸晒D麻辣湯底，淡淡都香濃好味另外，我重點左杯凍無糖烏龍茶，茶味清新，剛好中和麻辣嘅香濃，又可以清一清腸胃，＄24一杯，大大杯夠抵飲😍店員服務態度值得一讚，中途我哋加咗幾次湯，三次火，店員都好樂意服務冇黑面，值得一試