8鍋臭臭鍋 (金巴利道) (已結業)

天氣熱辣辣最好就係開着冷氣打邊爐。喺尖沙咀行吓行吓見到呢間台式火鍋店，入到去坐低呢度冷氣夠晒強勁。睇吓餐牌先，原來呢度係一人一鍋，仲有珍珠奶茶飲。側邊已經放咗配料自己落。芝士牛奶鍋，個湯底好濃郁，鍋物同湯嘅比例啱啱好，聽講呢度嘅食材大部份係台灣入口，食物質素好好，唔會預熱太多，上枱後再點火，熱一陣就食得。朋友個蕃茄白豚鍋都好靚仔，d食材放得好齊，我最欣賞既係，一路食，食到中段，d火就自己開始收細，應該係燃料開始用盡，d食物唔會煮到過晒龍，真係想得好周到。一個鍋有得跟飯或者粉絲。蜜味台灣腸好好食。香芋珍珠奶茶同埋冬瓜茶，真係飲到台灣既味道，甜度適中，珍珠彈牙。係度嘆住冷氣，飲埋冰凍既冬瓜茶，呢個火鍋好滿足。