十二鍋 (已結業)

今日行開佐敦肚餓就上OpenRice睇下附近有咩食，睇睇下就見到呢間十二鍋好似幾吸引。呢間餐廳地理位置都幾方便，鄰近地鐵站行幾分鐘就到。呢間餐廳主打一人一鍋，$88套餐有12款唔同嘅鍋可以選擇，仲包埋飯或者粉絲同低糖紅茶或者綠茶。今次就叫左台式沙茶牛肉鍋同台式麻辣鍋。台式麻辣鍋入面有牛肉、麻辣鴨血、牛丸、蟹子丸、娃娃菜、金菇等等，配料都算幾多。味道方面辣度十足唔係咁食得辣嘅朋友可以叫小辣。台式沙茶牛肉鍋配料有牛肉、牛丸、貢丸、娃娃菜等等，面頭仲有台灣麵線，再加埋配既粉絲食完都幾夠飽。