阿久根和牛立燒店 (已結業)

旺角阿久根和牛立燒店🥩本身睇名以為要企住食，原來係有得坐架😆😆叫左兩個定食套餐，一個係阿久根和牛涮鍋，另一個係極尚和牛定食。🔸阿久根和牛涮鍋 $148套餐好豐富，湯底係壽喜燒湯，配料有1件肉眼A4、3件胸腹肉及2件三角肋肉。上胸腹肉，係脂肪比例較豐富嘅部位，亦係日本人燒肉入門的必食位置，食落去幾重油脂感。另外重有烏冬、蔬菜盤、薯粉及日本生雞蛋。壽喜燒湯底甜甜的，同配菜、烏冬都好夾，太多野食食到好飽。🔸極尚和牛定食套餐套餐包含2件肉眼A4、2件西冷A4、2件牛舌及2件牛肚，另外重有沙律，海帶味噌湯和味素飯，很滿足。西冷A4的牛肉味較濃; 肉眼 A4就入口即溶; 牛舌夠爽口。🔸A5和牛刺身(另外追加)($38) 及 和牛牛丸(兩粒$28) A5和牛刺身包裹著醬汁蔥絲，口感幼滑，味道有層次。牛丸好彈牙而且重牛味。📍#阿久根和牛立燒店 (#旺角美食)旺角白布街2-24號藝興大廈8號舖