煮道 (已結業)

食過2次lunch，因為太喜愛食餐肉，所以兩次都係叫餐蛋麵，超鍾意隻雞蛋係生雞蛋！第一次食蕃茄湯，第二次食麻辣湯。一人窩份量好大，個窩黎到職員會幫你點火，等個麵滾多陣就可以食得，當你食緊既時候因為有火熱住，所以仲係熱辣辣，冬天食就最岩！麻辣湯底好香，食落有打邊爐感覺。蕃茄湯比較清，有新鮮蕃茄，兩者之中比較喜歡麻辣。雖然材料簡單，跟熱飲$32，凍飲$34，但視覺上有吃韓式部隊鍋既感覺，還頗有生意頭腦！