Taku

營業中

休息中

好耐冇行過嚟蘇杭街，原來而家已經多咗好多食店店同埋新嘅嘢食，路過見到有一間好似日式咖啡店外型嘅餐廳，原來入邊係賣日本壽司便當同料理，店舖裝修清新舒適，門口出邊仲有幾個outdoor位，雖然街上面就唔係太休閒，不過呢幾個位啱晒啲人嚟打卡入咗舖頭店員友善熱情介紹，壽司便當就放於旁邊嘅冷藏櫃，每款都有造型樣本俾大家參考，我就揀咗水引壽司便當盒，便當盒用竹同竹葉造成既盒裝住壽司，非常日式。整個便當盒都好靚，包裝好好，入邊嘅壽司同魚生都好新鮮，每個款式都有一件，啱晒我呢種又想試但係又唔食得多嘅人，店員介紹嘅時候話，魚生壽司嘅款式會隨着當日買貨嘅情況而改變，即係話每次嘅魚生壽司都可能唔同，我覺得幾好喎，有機會可以試吓唔同嘅魚。餐廳入邊嘅座位啱晒我呢種一個人食飯嘅style，原來一個人有時唔係一定淨係食拉麵先唔尷尬，而家多咗一個新嘅選擇。