度小月 (兆安廣場) (已結業)

番左成日工，收工經過謝斐道，見到新開一間餐廳叫度小月，食台灣野，見到出面餐牌有一人晚餐，岩曬我，加上待應都幾有禮貌係咁叫我入去試下，就試一次，最多唔好食都係一次姐，叫左個櫻花蝦雞柳炒米粉，又得得地喎，炒得幾好唔油，又足料，見無伏就再叫多一樣炙烤胡椒肉試下，好香胡椒味，d肉幾彈牙，不錯👍🏻，下次帶埋女朋友來試下先，因為見佢仲有2人同4人餐，主餐牌仲做緊85折，又唔洗加一，不過要早d來，7點幾都開始多人要等位。