漢堡佬 (已搬遷) 新店位置

自己一個人住，如果買餸煮飯仲貴過出街食，但係日日出街食，已經食都唔知食咩好。上openrice睇睇，搵到呢間漢堡店。漢堡款式仲多過一般嘅快餐店，價錢都好親民。咁啱見到佢哋有黃金軟殼蟹漢堡，好特別。點左個試試先，再加左椒鹽一口雞。個漢堡已經好大個，估唔到個軟殼蟹仲大隻！腳係曬出面！一咬個漢堡，軟殻蟹炸得好酥脆，完全冇炸粉粉味，中間蟹黃膏好濃郁，成個口感味道配搭好正。椒鹽一口雞成十幾塊，聞落都已經好香，一咬雞肉嫩滑多汁，椒鹽好惹味。最重要係配埋屋企露台嘅無敵夜景，感覺食物更加好食。