Moon Thai (已結業)

細細個就聽黎瑞恩隻「一人有一個夢想」.......唉～又扮細，其實佢只係大我少少。原來黎瑞恩響上環Holiday Inn Express Holiday 2樓開了一間泰國菜，叫Moon Thai，除室內位置及一間VIP房外，仲有露天位置，我諗響出面食應該幾寫意。 先點了一碟泰式生蝦($168)，有8隻，生蝦肉質彈牙鮮甜，不過要小心，上面啲泰式辣汁都幾辣，不過可食返片苦瓜解辣。 再來酸辣無骨鳳爪沙律($98)，無骨鳳爪起骨位做得算不錯，另我喜歡食生洋蔥，加埋泰式酸酸的沙律汁，之後更加開胃。 香炸軟殼蟹($108)，炸得夠香口又好咬口，算炸得不錯。 點了一窩大的冬蔭功湯($188)，飲了兩碗，我喜歡這湯放了很多菇，湯頭少少辣，都夠鮮味。 炭燒豬頸肉($88)，喜歡豬頸肉的肉質爽口，此處燒得香口入味。 點了泰式海南鮮鷄($138)，如果呢幾年你去過泰國食過海南鷄，你會知道其實香港做的海南鷄做得很不錯，Moon Thai的海南鷄不是最好，但肉質已經算滑同夠味。 泰式蠔仔炒蛋($138)，用鐵板上，熱辣辣的，炒蛋同蠔剛剛熟，伴飯一流。 鮮蝦炒金邊粉($118