幸福鍋 (已結業)

天氣涼涼哋又唔想煮飯，就決定落街打個邊爐，依家位於太安樓嘅台式火鍋店有一人打邊爐，啱晒我哋可以share再叫其他小食。一品臭臭鍋有唔同辣度，我就揀咗小辣，味道酸甜帶少少香辣味道幾開胃，材料10分豐富，有娃娃菜，白豚肉，臭豆腐，新竹貢丸，米血糕，大腸，鴨血，沙白，鵪鶉蛋，蕃茄，榨菜絲，韭菜，金菇，鳴門卷，炸枝竹。臭豆腐吸收晒湯汁味道，貢丸爽口彈牙，大腸煙韌可口，沙白新鮮冇沙。幸福小食拼盤鹽酥雞香脆內軟，牛肚豬大腸10分入味，地瓜酥香甜酥脆，炸魚塊香脆可口，麻辣鴨血很入味。大腸麵線好有台灣嘅味道，麵線幼滑。屏東荔枝烏龍茶淡淡嘅荔枝味道，好解渴。