知魚知樂

營業中

休息中

係大圍搵有咩食嘅時候路過見新開入去試吓，有兩層，樓上都有位，個冷氣好廢，都幾熱，食辣嘅話真係唔掂，有其他客話熱，店員就調咗佢哋上樓上。我哋只係入嚟快食個下午茶，就坐樓下冇所謂啦，下午茶有一人烤魚餐，配白飯，就冇飲品，要加錢。魚米線餐就有飲品。呢個係一人烤魚餐 椒辣唔酸的，辣都唔係好辣，因為叫咗小小辣。魚係片咗一半，所以唔係真係好大條，但下午茶嚟講差唔多。真係有個爐著住熱住條魚，不過好快個火就熄咗，都係做下樣，本身條魚都一早熟晒。魚番茄湯米線番茄湯偏酸魚肉中等，唔算係勁淋，有少少骨，米線份量唔算多唔知點解送咗一小碟冷雲耳飲品搞笑，什麼汽水都沒有，只有一款特飲，問佢特飲係咩佢話柚柑，推算係柚子柑桔檸檬，不過全部冚好晒可以攞走飲純粹行過入去試吓，睇番openrice先發現咁多內地人都比好評話好食，但香港人好似普遍評價一般。我隔離枱一對男女，叫咗一大盤酸菜魚定辣魚，淨係食咗兩啖就冇再食，又話薯粉變味要換🤔🤔個人覺得比較熱，食普通魚都唔得，食辣更加熱。