Mo Mo Kushiage (已結業)

今日係星期日，2pm黎到e到冇咩人，好靜，可能因為早上落大雨，不過甘樣都好，係一個人享受ge時光。。。裝修好靚，行木系路線，職員亦十分有禮，先送上熱茶，之後會有3個醬汁，逐個介紹，有味噌醬，甜辣味噌醬，同埋自家製紅酒汁，3個都各有特式，好好味啊星期日都有午市套餐，我叫左88蚊ge串揚雞肉定食，我要左熱烏冬，成個set仲有埋沙律，漬物，味噌湯，所以好豐富性價比好高。另外加一蚊要左串三文魚子帶子，佢炸粉都吾會會厚，職員到最後都會問下野食啱吾啱食。