船渦

營業中

休息中

今日去船渦試左全港首創一人一蒸氣海鮮鍋，真係好新奇！枱面仲有指引教你整唔同嘅食物要用幾多分鐘，亦都有計時器，非常方便。九品芝麻套餐（$258）包括沙律、章魚燒（2粒）、白蜆、蝦、鮮魚片、大蜆、扁蟶子、鮑魚、三寶丸同時蔬拼盤。每款海鮮都好新鮮，蒸完之後味道鮮甜，特別係鮑魚，肉質嫩滑，非常好食。內務總管套餐（$328）有沙律、吉列炸蠔（2隻）、白蜆、蝦、大蜆、扁蟶子、鮑魚、元貝、三寶丸同時蔬拼盤。吉列炸蠔外脆內嫩，海鮮部份同樣新鮮美味。仲有，套餐加一蚊可以換購多一隻鮑魚，真係超值。食完蒸海鮮仲可以揀南瓜芋頭粥或魚湯烏冬等等，好多選擇，真係滿足！