影片
港鐵銅鑼灣站 D4 出口, 步行約2分鐘
繼續閱讀
電話號碼
28850268
開飯介紹
以海鮮為主的一人蒸氣火鍋餐廳，有單點及套餐選擇，餐牌更列出蒸煮時間指引，讓你品嚐最鮮嫩的滋味。座位之間設有拉簾，即使獨自用膳也享有私密空間。
繼續閱讀
附加資料
用餐時間120分鐘
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
優惠
9折
八府巡按海套餐 1人蒸氣火鍋晚餐 - 豪歎至尊海鮮、特上肉類
$439
$488
9折
九五之尊套餐1人蒸氣火鍋套餐-豪歎刺身、至尊海鮮、特上肉類
$628
$698
相關文章
Bookmark左呢間蒸氣海鮮鍋好耐，終於約左朋友去食😍 每個位都有一個蒸爐，而每款食材要蒸幾耐亦都有講埋，坐底之後見餐廳有好多缸海鮮，新鮮既保證👍今次我地叫咗兩款套餐，第一款叫九品芝麻套餐，海鮮方面有白蜆、大蜆、扁蟶子、蝦、鮑魚同鮮魚片。白蜆帶有淡淡海味又無沙，而大蜆就更加厚實，咬落去口感豐富。扁蟶子肉質鮮甜！蝦就係個人心目中最愛，肉質彈牙，啖啖都是鮮味。至於鮑魚，滑而不膩，鮮魚片更係鮮嫩，整體海鮮質素好高😋 肉類方面，我揀咗美國肥牛同豚肉，肥牛肉脂肪分佈得宜，豚肉都好好味👍第二款八府巡按套餐就更加豐富，海鮮方面有白蜆、扁蟶子、蝦、北寄貝、元貝、鮑魚、龍蝦同鮮魚片。北寄貝口感滑，元貝肉質厚實，特別要提嘅係龍蝦，肉質好鮮甜，蒸完d 龍蝦肉已經好易挑出。再加上可以揀蟹或者蟶子王，揀左既蟶子王肉質紮實，味道濃郁，依個套餐d海鮮更加高級同正😍每款套餐都有小食、沙律同埋蔬菜拼盤仲可以選擇粥底或者面底，職員見你食到咁上下會幫你煮，真係好貼心。食到好飽好飽最後仲有甜品雲呢拿同芋頭味雪米糍😎
繼續閱讀
海鮮蒸氣鍋唔係新鮮菜式，但要有質素海鮮新鮮生猛，又要服務質素好嘅真係好難搵今日👭🏻孖妹就黎到位於銅鑼灣嘅樓上鋪，主打一人蒸氣海鮮鍋，一共4款套餐選擇，揀左九品芝華套餐+ 八府巡按套餐，平有試貴又試下🫣餐枱上有教每款食材蒸嘅時間，跟住包你好食😍兩款套餐都有沙律同小食同甜品 - 雪米糍(可選雲呢拿/芋頭/芝麻）🥢小食章魚小丸子 /芝麻雞翼，雞軟骨餃子（各一），每樣都係即叫即炸，擺左陣食都仲係出煙🥢海鮮八府巡按餐有白蜆，蝦，北寄貝，鮑魚，元貝，扁蟶子，鮮魚片，龍蝦，聖子皇（1隻）/蟹，每樣都好新鮮！諗唔到有咩唔好食，唔洗點醬汁都好鮮甜龍蝦🦞仲有龍蝦膏🥳，肉質厚啖啖肉，北寄貝肉夠爽口，大蜆同白蜆份量幾多，補鐵一流，蒸完仲好嫩滑👭🏻孖妹每人加多左隻+$1鮑魚，好抵食，超級新鮮彈牙，做緊優惠唔加就笨🥢肉類主要有豬牛雞，揀兩款，八府巡按套餐可以揀安格斯牛肉，+$10可以揀兩份牛，九品芝麻餐就配美國肥牛，兩個餐同樣可揀豚肉片/雞腿肉，肥牛會肥少少，但牛味都幾濃，安格斯牛會較嫩口同瘦啲🥢丸類牛骨濃汁牛丸、薑汁皮蛋貢丸、招牌墨魚丸👷🏻♀️細孖最鍾意牛骨濃汁牛丸，牛肉味勁重爆汁，食到一粒粒牛筋，諗起牛大人果款和牛丸😍薑汁皮蛋貢丸好少食到，薑汁較重但肥豬肉較出，墨魚丸彈牙大粒🥢蔬菜拼盤食左咁多肉類食番菜補充纖維，有粟米、翠玉瓜、金菇、娃娃菜、南瓜同冬菇，好新鮮跟建議時間食好爽脆，南瓜好甜最後食埋南瓜芋頭粥，店員會預先將南瓜粒同芋頭同米飯撈埋一嚿，等客人食哂放落去煮4分鐘，粥都好足料唔hea ，吸收哂海鮮肉類嘅精華，超級甜😍😍 食到超飽超搞唔掂😂✍🏻總評：👭🏻推薦指數：🌕🌕🌕🌕🌕👭🏻回頭指數：🌕🌕🌕🌕🌕👭🏻環境評分：🌕🌕🌕🌕🌕👭🏻服務評分：🌕🌕🌕🌕🌕
繼續閱讀
今晚同朋友慶祝生日，帶佢去咗船渦度食一人一鍋蒸海鮮。餐廳有活動竹簾分隔每個位置，如果多過一個人就可以拉開竹簾一齊坐，都幾Flexible又有私人空間。我哋兩個人都叫咗「九品芝麻官」（每人$258 ，另加一服務費）。沙律：蟹籽青瓜沙律，青瓜爽脆。章魚燒：熱辣辣上枱。外脆內軟。白蜆，大蜆：兩種蜆類加埋有成十幾隻，隻隻都好肥美多汁。貴妃蚌：肉厚，味道鮮甜。鮑魚：本身呢個餐係得一隻鮑魚，但佢有個優惠加一蚊可以多一隻，咁我哋梗係每人都加多一隻啦。鮑魚新鮮，肉質嫩滑，易咬開蝦：蝦味濃郁。肉質爽彈鮮魚片：係龍躉片嚟。鍾意魚皮嗰層膠質，好彈牙。三寶丸：有牛骨濃汁牛丸，薑汁皮蛋貢丸同招牌墨魚丸各一粒。三款丸都唔錯，當中最鍾意招牌墨魚丸，真係有墨魚粒喺入邊咖豚肉，美國肥牛：肉類各有兩件。豚肉彈牙，雞肉多汁厚肉蔬菜拼盤：款式豐富，有生菜，娃娃菜，冬菇，南瓜片，粟米，翠玉瓜同埋金菇。南瓜粥：蒸完晒啲海鮮之後，職員會幫我哋煲啲已經預備好嘅粥。味道真係好鮮甜。雪米糍：飯後有個甜品，就可以畫上個完美嘅句號喇。
繼續閱讀
船渦係銅鑼灣一間主打蒸氣海鮮鍋嘅餐廳，將新鮮食材以蒸煮方式呈現，完美保留咗海鮮、肉類同配菜嘅原汁原味。從環境到食物整體體驗都係令人滿意嘅。餐廳以木質裝潢配暖黃燈光，有種舒適同放鬆嘅氛圍。每張枱都設有專屬蒸氣鍋，設計得簡單又實用，所有食物蒸煮嘅時間list哂出嚟，特別係唔洗同人share鍋，想食咩就放咩，更能享受蒸煮海鮮嘅樂趣！今次我地點咗兩個唔同價位嘅套餐：八府巡按套餐包括：沙律、炸餃子、芝麻雞翼、白蜆、蝦、北寄貝、鮑魚、元貝、扁蟶子、鮮魚片、龍蝦、蟹／蟶子王（二選一）、安格斯牛肉／豚肉片／雞腿肉（三選二）、三寶丸（牛骨濃汁牛丸、薑汁皮蛋貢丸、招牌墨魚丸）、蔬菜拼盤、甜品、南瓜粥底呢個套餐嘅海鮮選擇會更豐富一啲，賣相吸引之餘質素亦非常高。特別一讚係海鮮確實新鮮，蒸熟後完全冇腥味，白蜆、扁蟶子同北寄貝好鮮甜，尤其係白蜆，肉質滑溜。今日嘅鮮魚片係懵仔魚，魚肉嫩滑有魚油香味。鮑魚勁大隻又彃牙，同埋+$1可以叫多一隻真係唔可以錯過！龍蝦同蟹亦係套餐嘅亮點之一，肉質飽滿鮮甜有嚼勁，強烈感受到海鮮嘅原汁原味（龍蝦仲有膏！可以留返小小最尾撈粥食！）。肉類方面，安格斯牛肉牛味超濃郁，鐘意食牛嘅朋友一定好鐘意。丸類方面三寶丸（牛骨濃汁牛丸、薑汁皮蛋貢丸、招牌墨魚丸）各有特色，皮蛋貢丸一咬開啲薑爆出嚟，算係一種surprise（？）。九品芝麻套餐包括：沙律、章魚燒、白蜆、蝦、鮮魚片、大蜆、扁蟶子、鮑魚、美國肥牛／豚肉片／雞腿肉（三選二）、三寶丸、蔬菜拼盤，甜品、南瓜粥底份量雖然較八府巡按少，但鮮味同質素同樣保持高水準。另外小食章魚燒外層脆卜卜幾好食！大蜆同樣鮮甜，蝦亦新鮮，我就咁用筷子都可以剝殼。美國肥牛雖然冇安格斯牛味咁重，但冇雪味有少少肥膏都算好食。好似我咁唔食牛嘅朋友唔洗擔心，豚肉同雞腿肉蒸煮後保持咗嫩滑嘅口感都唔差嫁！蔬菜拼盤有粟米、冬菇、生菜、娃娃菜同南瓜等，我特別鐘意粟米同南瓜，因為明顯可以感受到食材本身嘅甜味，能夠平衡其他濃味海鮮同肉類菜式，食落清爽又解膩。蒸氣鍋嘅方式將海鮮同肉類嘅鮮味發揮得淋漓盡致，食材質素高，尤其係鮑魚、白蜆、懵仔魚片等海鮮，表現非常出色。無論係家庭聚會定朋友聚餐都係一個令人滿足嘅選擇，值得一試！
繼續閱讀
🍲火鍋食唔少，蒸氣火鍋都一樣吸引，今次食咗呢間船渦係採用一人一鍋模式，自己想揀咩都得😋🥢八府巡按 套餐 $488湯底有原味魚湯/ 麻辣魚湯 +$5/ 鮮茄魚湯 +$10/ 翅骨濃雞湯+$15，我就要咗原味魚湯，清清哋但都有魚嘅鮮甜味另可配粥底：南瓜芋頭粥/ 蟹膏蟹肉粥+28前菜有沙律，炸物有餃子、芝麻雞翼，成個套餐好多嘢食好豐富主角海鮮都好多item，有白蜆、蝦、北寄貝、鮑魚、元貝、扁蟶子、鮮魚片、龍蝦半隻、蟹半隻 /蟶子皇一隻蟶子元貝真係好大隻，全部都幾好食高質（枱面有寫每樣海鮮蒸幾耐，仲有得計時，唔怕蒸到過火）肉仲有安格斯牛肉/豚肉片/ 雞腿肉，雞腿肉夠滑👍🏻🍡三寶丸有牛骨濃汁牛丸、薑汁皮蛋貢丸、招牌墨魚丸三款都唔錯，最鍾意牛骨濃汁味，口感幾彈牙蔬菜拼盤有娃娃菜、南瓜、冬菇、粟米、金菇等，蒸菜都唔錯甜品係雪米糍，完美句號，十分飽肚，大滿足🚩船渦 (銅鑼灣)📍銅鑼灣謝斐道500號維安商業大廈3樓
繼續閱讀