魚川居 (已搬遷) 新店位置

原來想食酸菜魚唔一定要一大鍋, 觀塘有間工廈樓上的川菜餐廳-魚川居, 有一碗碗麵叫的, 叫了酸菜魚配紅薯粉$58，有大量又滑又嫩的魚片, 又有咸酸菜, 芽菜作配料, 湯底好夠酸味, 又唔會太辣。朋友叫了水煮魚, 呢個超級辣, 但好刺激, 辛辣但好味, 同樣, 大量魚片, 好抵食, 配了淮山麵，麵質較有質感, 有嚼口, 諗住冇咁重澱粉質咋。飲品加$6可以有凍飲, 叫了凍檸茶, 另外加了個冷盤小食$16，醉豬手粒, 酒味夠香, 豬皮彈牙, 爽口。