湯•米 (已易手) 新餐廳

平時好鍾意打邊爐，原因係可以食好耐。 今次朋友介紹我去呢間位於旺角豉油街新開的湯米， 喺呢頭最近有好多食肆新開，張競爭好大。 鍾意打邊爐的我真係要去試下。前菜叫左柚子蜜雞翼$26 香噴噴的雞翼，即使加咗柚子蜜，味道唔會話好甜，雞肉嫩滑。我點了一份藥膳豚肉鍋$108， 湯底的特別之處是加入紅棗蟲草花， 令我很驚喜的是味道不苦，清清地，不會令豬肉味道變苦，保留原汁原味。 豬肉的分量很多， 質地軟林。 配菜還有金針菇、椰菜、雲耳、鵪鶉蛋、魚皮等， 全部配料都好高質，索曬藥膳湯底，正！朋友不食辣的， 他點了一份咖喱奶蓋鍋$108， 湯底有一團忌廉，口感香滑細膩。由於我哋都好鍾意食魚皮，所以加咗一份，炸魚皮$38， 價錢合理ＸＤ 脆到。。。超好食。飲品的選擇很多，除咗經典嘅珍珠奶茶， 仲有唔少奶蓋茶。 當日好想試下芝士莓莓，不過冇曬貨所以叫咗芝士桃桃$39＆爆檸四季春$37。 非常感動嘅係可以走冰同走甜， 冰度甜度彈性非常之高， 加上又好飲。