小王牛肉麵 (已結業)

今日無住家飯食， 一個人走去九龍灣德福廣場搵食。 走到某日式百貨店內拉麵店， 餐牌內午餐都要$50 起啦! 所以走為上4樓。 但一心想食碗湯麵， 於是去小王試吓啦! 一向對牛肉都唔抗拒。原來這店買嘅牛肉有很多選擇。 可以揀食牛頸; 牛珍; 牛筋; 還有半筋半肉等。 選擇多， 種類亦多。當中，選了半筋半肉粗麵， 牛肉跟麵的比例約二比五啦! 兩份肉五份麵， 再加一棵 小唐菜開半配襯帶有少少當歸味嘅牛肉湯底。 賣相已經很台式呢。 加少許辣油， 滋味無窮。 幾乎連湯底都喝光。