武士拉麵 (已結業)

下午兩點要去九展附近嘅客戶度開會，於是13:00 就嚟到九展睇下有咩食， 點知間間餐廳都大排長龍， 行咗一陣，終於畀我搵到呢間唔算喺當眼位置嘅武士拉麵。叫咗個元祖武士拉麵，先試下個湯底，有濃濃嘅豬骨味， 麵質我就鍾意食硬，叉燒嘅林度都適中，又唔肥。 我仲落咗大量嘅拉麵胡椒粉， 同湯底好夾。另外，呢度午飯時候會送兩隻餃子。有少少建議畀返舖頭考慮，由於我係坐 bar 枱，吧枱張櫈嘅高度好似有啲問題。 我都算高，但坐低隻腳又只係啱啱掂到地，好似吊住嚟坐。咁如果我將隻腳放喺中間嗰架踩住，嗰架又似乎細得滯，放唔落兩隻腳。 搞到我餐飯都食得唔係咁舒適，希望下次再幫襯時有改善啦。