上海婆婆 (已結業)

因為前兩日食過上海菜，但無食到酸辣麵，於是我一個人俾上海婆婆吸引入去。相比起其他餐廳，呢度下午茶餐算多選擇又抵食，當日兩點半差不多全場坐滿人。點左一碗酸辣麵，小食選京蔥牛肉包(兩小個) 配豆漿。酸辣麵味道略淡，反而兩個包即煎好味道。食左大約三十蚊，價錢中等。不過葵芳分店某位職員服務態度有待改善。落單職員很好，提醒拉麵要等約二十分鐘，京蔥牛肉包即煎等約二十五分鐘。(幸好拉麵等左十分鐘左右就有得食) 相反，帶位o既年青女侍應幫我斟熱茶時，係表演拉茶。彈到枱面好多水，仲彈左落我塊面....佢記錯隔離位女士係得一位，將女士對面份餐具收起時問人係咪兩位，到女士答佢有兩位，年青女侍應係掟返套餐具o係枱面。希望上海婆婆轉用膠/ 較輕身餐具，眼見碗碗碟碟都難哂角，一來待應傳菜都拎得好辛苦，二來侍應掟碗時食客唔駛受罪。