影片
更多
2020-10-18
746 瀏覽
有一陣子無去圓方，對上一次四／五月去，因為疫情，無高鐵客，啲名店又早關門，未到八點，企響某個特定位置，係居然可以成層一個人都見唔到，成個空城咁，前幾日下午去多返啲人，可能起碼唔少WFH嘅人都開始返返工。要見客，一個人食飯，又係食個快飯嘅時候。突然想食越南河粉，記得戲院旁邊有間。地點係有啲偏，不過沿住去戲院條路都易搵。未有疫情前我見過佢午巿要排隊，今次去到都兩點幾，可能有客都清哂，或者多數叫外賣（見到有侍應仲有執緊外賣），所以一入去就有位坐。超鐘意食番茄，所以揀個蟹肉大蝦番茄湯檬。黎到個湯檬熱辣辣，非常正。先飲一啖番茄湯，好重番茄鮮味，中間仲夾著非常濃郁嘅蟹肉香味，亦無嗰種好似落左好多味精嘅醎味，加埋啲炸蒜片，令到個湯底更加香口，最緊要係飲哂個湯都完全唔會覺得口渴，係真係用時間去煲而唔係加好多不知名嘅調味嘅古怪味道。豆腐卜仲要入哂湯味好好食（當然個豆腐卜本身其實係普通嘢），嗰兩隻大蝦都算大隻，肉質爽口，反而啲檬粉有啲碎，夾左兩”住”就再夾唔起，要用匙羹食。一人飯，最緊要係快，可能真係得一兩枱客嘅關係，由我坐低到食完，夾埋差不多都係30分鐘，上菜都幾快。無食其他嘢，所以未有得評其他食品，不
要見客，一個人食飯，又係食個快飯嘅時候。突然想食越南河粉，記得戲院旁邊有間。地點係有啲偏，不過沿住去戲院條路都易搵。未有疫情前我見過佢午巿要排隊，今次去到都兩點幾，可能有客都清哂，或者多數叫外賣（見到有侍應仲有執緊外賣），所以一入去就有位坐。
超鐘意食番茄，所以揀個蟹肉大蝦番茄湯檬。
黎到個湯檬熱辣辣，非常正。先飲一啖番茄湯，好重番茄鮮味，中間仲夾著非常濃郁嘅蟹肉香味，亦無嗰種好似落左好多味精嘅醎味，加埋啲炸蒜片，令到個湯底更加香口，最緊要係飲哂個湯都完全唔會覺得口渴，係真係用時間去煲而唔係加好多不知名嘅調味嘅古怪味道。豆腐卜仲要入哂湯味好好食（當然個豆腐卜本身其實係普通嘢），嗰兩隻大蝦都算大隻，肉質爽口，反而啲檬粉有啲碎，夾左兩”住”就再夾唔起，要用匙羹食。
一人飯，最緊要係快，可能真係得一兩枱客嘅關係，由我坐低到食完，夾埋差不多都係30分鐘，上菜都幾快。無食其他嘢，所以未有得評其他食品，不過單計個湯而言就攞哂分，有機會再去可以試埋其他嘢，例如牛河。
張貼
