九龍城寨墨魚丸專家鮮魚湯粉麵 (已結業)

點咗鴛鴦墨丸墨汁麵。墨汁墨魚丸味道都濃郁，食完又無成口變黑喎。傳統白色墨魚丸望落就無乜特別咁，但係食落就非常好味，好彈牙有咬口，墨魚味都足夠，相對墨汁墨魚丸，我更加歡喜傳統白色嘅味道。墨汁魚麵都比較特別，顏色望落去就真係黑蚊蚊嘅，同墨汁墨魚丸顏色一樣。同墨汁意大利粉有異曲同工嘅感覺，當然食入口係有分別。墨汁意大利粉本身質感更加煙韌，部份餐廳甚至會煮到8-9分熟，保持少少唔透心嘅口感。墨汁魚麵比普通麵較粗，入口軟軟滑滑，保持魚麵嘅texture。