台北巷弄 (已結業)

放工想食台灣野，見到呢個商場嘅角落有台式餐廳賣緊便當，咁就走咗去試吓。便當晚餐係常見嘅幾款台灣好食嘅食物，最後揀咗鹽酥雞扒便當，佢嘅鹽酥雞扒炸得幾脆，唔會話過硬，醃嘅味都唔會話太鹹，呢個便當餐包左前菜，係一啲青瓜同埋粟米，值得一讚係佢嘅糖心蛋，醃得好入味，蛋黃亦都呈現糖心嘅狀態，拎嚟送飯一流。台式湯品便當餐附送埋台式湯品，呢個湯有湯料，係一啲薯仔粒同埋紅蘿蔔粒，有得食埋落肚嘅感覺幾好，不過個湯我感覺上比較濃味。想自己食好啲，就叫多咗半份醬油雞翼，呢兩隻雞翼個味都唔錯，肉質都算滑嘅。而嘢飲就叫咗珍珠奶茶，佢係一般珍珠奶茶嘅味，珍珠都有啲咬口，我俾合格以上嘅分數。