INN - I’m Not Nothing (已結業)

餐廳以白色為主調，裝修別緻走簡約宮廷風。雖然餐廳唔算好大，但餐廳環境清新、簡約，令人舒服。食物方面選擇都唔少，有小食、意粉、意大利飯、牛扒、豬手、羊鞍、甜品同飲品等等...食物嘅擺盤靚，而且食物質素都唔差。澳洲肉眼扒8安士配薯菜牛扒表面煎到深褐色，帶微焦，肉香四溢，牛味香濃，搭配新鮮炸起嘅薯條同沙律，味道唔錯。榛子朱古力香蕉棉花糖忌廉班戟呢款班戟係最多人order嘅一款甜品！賣相相當吸睛，班戟大大片，皮薄餡正，班戟有香蕉、棉花糖、脆脆嘅椰子片、香橙乾嚟裝飾，咬落去煙韌，榛子味濃郁，果然冇令人失望！士多啤梨藍莓奶昔混合藍莓同士多啤梨攪拌而成，入口順滑，冇一般奶昔嘅甜膩，每一啖都飲到藍莓同士多啤梨嘅果味，味道天然。