JC Room (已結業)

放假一個人出去旺角行逛，中午去了廣華街的JC Room食午餐。假日有午餐亦有brunch食，款式都算多。粟米濃湯粟米湯有濃郁的粟米味，而且很濃稠，應該是用原粒粟米攪爛成蓉再煮成，所以湯很清甜，另外還有點忌廉香味。肉眼扒配意粉本來想食burger，可惜售罄，唯有轉點肉眼扒，肉眼點了七成熟，有一隻手掌大小，而且有成2cm厚，表面煎至微焦，切開裏面呈淡粉色，肉質有咬口但都偏腍，肉味不太濃但肉汁豐富，配上黑椒汁及意粉，旁邊還有些炒雜菜，中和油膩感。百多元一個午市扒餐，質素不錯，下次想試下佢個all day breakfast，見到隔離枱都幾豐富。