台灣麵 (已結業)

原本今日約咗朋友食下午茶既，但係朋友突然間有事，得番我自己一個😫😫😫行到去始創中心諗住揾野食，行到去地庫見到哩間台式小店🤩🤩🤩呢度裝修幾木系，樓底幾闊落，好似坐得幾舒服啵，自己一個梗係要搵啲舒服嘅地方食野啦😋😋😋座低無耐抬頭一望，見到牆上面寫有一種味道叫快樂❤️突然覺得好窩心呀。Menu都好多選擺啵，不過黎到台式餐廳一定試吓台式嘅主打「寶島珍珠奶」「鹽酥雞件」「滷水糖心雞蛋」同埋「麻辣牛展」一個人唔經唔覺就嗌咗咁多嘢食🤪首先首先「滷水糖心雞蛋」到左，哩粒唔同平時食到既糖心蛋，因為係先滷水完再整成糖心既效果，凍凍地好岩夏天食🤪「鹽酥雞件」新鮮熱辣辣炸起，大大件，好多肉，粉漿好薄身，正喔🤩🤩「麻辣牛展」好有驚喜啵，我以為係薄身既牛展，點知係厚切既，仲要份量勁多，嗰麻辣汁好入味😋😋「寶島珍珠奶」嗌左熱既，係台式正宗既味道，加埋珍珠煙煙un un😋😋唔覺自己一個人食晒咁多嘢食🤝🤝