影片
更多
2019-11-02
341 瀏覽
想食扒餐，但又未必撞岩有朋友仔/同事仔岩食，話晒食晏，好多人都唔想食咁heavy。行到黎，見到餐牌有牛脷，就被吸左入去。之前有同同事黎過，今次一支公，但就遇上左其中一個至愛-牛🐮Set lunch 包餐湯（羅宋湯、洋蔥湯 同 粟米忌廉湯）跟蒜蓉包一片。湯料好足，夠晒味，絕對唔係加水翻煲再翻煲，片包邊係脆，但中間就冧，唔係全片都脆，另外蒜蓉醬可以再多D就正。主餐一上，嘩，好彩叫少意粉，因為牛脷既份量真係好多，大半條都有。醬汁夠，牛脷又冧，真係好好好食。意粉沒被𣺉上醬汁，感覺無咁heavy，不過意粉好快就凍左，口感自然就變得嘛嘛。Set lunch包熱飲，凍飲加$2。午餐$55起，又湯又餐茶，仲要好食，真係好抵架！餐廳仔，午餐都做三款餐湯，水準都幾好，真係好少見。但亦都係咁，不時有客仔攪錯，誤會洋蔥粟米湯係一款湯，今日就聽到有三枱客係咁。另一次黎食飯，最誇張一枱4人，全部都誤會晒，果次係羅宋湯、洋蔥湯和忌廉龍蝦湯，一人誤會洋蔥忌廉為一款，龍蝦湯為另一款；另一人就誤會洋蔥、忌廉、龍蝦分別為三款湯；最好笑係有一個落單時以為係湯料有得㨂咁，竟要求「湯要洋蔥加龍蝦」（佢真係咁講），落單既要逐個客解
之前有同同事黎過，今次一支公，但就遇上左其中一個至愛-牛🐮
Set lunch 包餐湯（羅宋湯、洋蔥湯 同 粟米忌廉湯）跟蒜蓉包一片。湯料好足，夠晒味，絕對唔係加水翻煲再翻煲，片包邊係脆，但中間就冧，唔係全片都脆，另外蒜蓉醬可以再多D就正。
22 瀏覽
0 讚好
0 留言
主餐一上，嘩，好彩叫少意粉，因為牛脷既份量真係好多，大半條都有。醬汁夠，牛脷又冧，真係好好好食。意粉沒被𣺉上醬汁，感覺無咁heavy，不過意粉好快就凍左，口感自然就變得嘛嘛。
15 瀏覽
0 讚好
0 留言
Set lunch包熱飲，凍飲加$2。午餐$55起，又湯又餐茶，仲要好食，真係好抵架！
餐廳仔，午餐都做三款餐湯，水準都幾好，真係好少見。但亦都係咁，不時有客仔攪錯，誤會洋蔥粟米湯係一款湯，今日就聽到有三枱客係咁。另一次黎食飯，最誇張一枱4人，全部都誤會晒，果次係羅宋湯、洋蔥湯和忌廉龍蝦湯，一人誤會洋蔥忌廉為一款，龍蝦湯為另一款；另一人就誤會洋蔥、忌廉、龍蝦分別為三款湯；最好笑係有一個落單時以為係湯料有得㨂咁，竟要求「湯要洋蔥加龍蝦」（佢真係咁講），落單既要逐個客解釋，我就聽到差D笑左出黎。
張貼
