CoCo壹番屋 (已結業)

日本咖哩其實一向唔係吸引到我既食物，亦唔明白點解會咁貴一碟飯，本身冇諗過會入來食，不過今日一早就番公司開會完全冇食野，下午茶時間都到喇，經過見冇乜人就決定入去試試啦！實在餓到諗唔到野！環境又幾舒服既，落地玻璃，木質檯凳，完全乎合日式西餐廳風格。睇睇餐牌，都幾多選擇，雖然全部係飯，但全部都望落好好食咁，今日餓太耐，都係揀番d冇乜刺激既口味，所以揀左温泉蛋雞肉漢堡秋葵豆腐咖哩飯！賣相同相片一樣咁靚，雞肉漢堡有軟骨粒，咬落好有口感，温泉蛋都做得出色，秋葵豆腐就淋左d, 咖哩汁夠香，整體都唔錯！ 不過我冇追加其他前菜or飲品，一個飯埋單已經90幾蚊，抵唔抵食就要衡量了！