明苑粉麵茶餐廳 (已結業)

有時一個人吃晚飯也有其好處,就是不用等位去到邊攝到邊!行經旺角最方便就是去茶餐廳,貪呢間一次過可以滿足兩個願望.剩雲吞----一直都覺得這裏的雲吞不錯!有大大隻蝦,咬落幾爽!豬肉比例亦唔錯唔會咬到粒粒肥膏,最重要係無雪味!排骨雞煲仔飯----呢樣好睇彩數!人多落單就死梗,人小就可維持水準!雞同排骨都幾滑同入味,飯加豉油冚煲蓋焗一焗後亦都一粒粒分開,夠熱唔爛.凍檸茶----凍檸茶!環境擠迫,一枱搭枱有五個不相識.呢類食店建議最好入去前想清楚自己想食嘅嘢!一坐低就落柯打唔好諗!否則只會換來侍應使出火影忍者裏面寧次的絕技-----白眼!