原居民 (已結業)

一個人的浪漫。去完理工上堂 想對自己好點 食個靚西餐獎勵自己。Set dinner 選擇很多 前菜都有六種。我揀左火箭菜虎蝦沙律。虎蝦在處理上幾用心 冇雪藏味而且挑左蝦腸 呢一點真是超讚。火箭菜伴上芒果沙律汁 帶有淡淡黑椒味 伴碟的芒果好甜 不錯。黑松露西蘭花湯～ creamy 淡淡中帶點黑松露香氣。主菜～香煎鱸魚。帶子。虎蝦帶子好大隻 鮮甜 煎得金香而口感依然嫩滑。鱸魚好滑 外脆內軟。配上龍蝦汁 清淡得來不會沉悶 女士好適合～配菜好surprise!! 竟然係我至愛既豆苖 係意想不到的match!!! 冇諗過豆苖同什菇車厘茄炒一炒 配上海鮮會咁好味。另外再點了甜品 滿足女生的胃。Creme brulee~ 最驚喜是充滿雲呢嗱籽 所以好香濃。口感比較heavy 一個人要食完真是有點難度呢😂環境清幽 靜靜地過了一人的晚上 滿足。