拉麵達人 (已結業)

有事要到佐敦， 搞到兩點幾， 個肚打曬鼓， 喺裕華後兩條街 ，見到一間充滿日本風拉麵 小店， 就獨自入去 。一個人，就坐喺吧位度啦 。店舖不大，但唔覺逼，用木裝修 ，仲有好多日本小擺設，小玩具，自己一個人喺度食嘢都唔會怕悶，慢慢欣賞，幻想一下身在日本叫咗個達人拉麵 (濃厚豚骨湯)， 先試下個湯， 味道好濃郁， 飲得出係用豬骨熬咗好耐果隻。最搶眼隻半熟溏心蛋 ，晶瑩剔透 。叉燒切得薄薄， 肥瘦適中， 好軟淋淋，最怕食到好硬啲叉燒。見到餐牌有小食， 叫咗一個一口紫芋丸，圓碌碌，脹卜卜，炸得好香脆， 裏面係番薯同芋頭蓉，好綿。吃得飽飽，一個人浪漫旅程結束了