8090 好時光 (已結業)

黎食台灣麵，好自由地有一人餐，二人餐，三人餐同四人餐，唔想食太多，一人叫一個一人餐算了，一碗麵加一杯野飲68蚊，幾平吖。叫左紅燒牛腩麵，要紅燒牛肉麵湯底，台灣麵，跟餐加6蚊有特飲。牛腩麵好大碗，湯頭好甜，十分甜，甜到飲糖水咁，牛腩有好多舊，算係幾淋下，麵軟軟地幾好咬，一碗超勁飽。飲野雖然話台式但居然無珍珠奶茶，點解呢？退求其次要左杯凍鮮奶咖啡，味道略淡，可接受。餐廳地方勁大，多客都唔使等位，一張大枱撘幾個互口都唔覺迫，幾好hea。