川之味麻辣米線 (已結業)

自己一個黎到太子都唔知食咩好既時候，即刻諗起哩間米線🍜諗下諗下，原來川之味都陪我渡過唔少一個人的時光🥺🥺🥺每次嚟到都要嗌豬軟骨，呢度嘅豬軟骨真係炆得好淋，好入味，無可否認佢係最好食嘅豬軟骨，與此同時今晚再嗌左豬膶，牛丸米線，辣到就嗌左10小辣，同埋同職員講話小鹽，因為每次黎親食米線一次比一次鹹😆😆😆好快就有得食米線啦。豬潤係我鍾意嘅質地呀，係屋企完全煮唔到呢個質地，其實係咪加工左先有咁既效果？豬軟骨有兩舊，完全冇令我失望，滿口都充斥着骨膠原🤝🤝🤝由於今次主動話要小鹽，即刻令到成碗米線失色哂，平時飲開果種湯底無左，係難食左咗勁多，下次都係正常返，鹹啲就鹹啲啦😳😳