Mee...lemongrass (已結業)

今日經過坑口見到呢間店咁多人排隊好似唔錯，睇下餐牌，個龍蝦喇沙$84有咁大隻龍蝦好似幾抵所以就同人等埋一份。得一個人其實好快有位。因為已鎖定目標所以坐低即刻落單叫野食，店員雖然忙但都唔會十問九唔應，問佢攞杯水都好快送到，服務唔錯。食完覺得要推介呢碗龍蝦喇沙，湯底香濃，麵質彈牙，原隻龍蝦非常吸引，而且夠哂大碗，配料仲有好多豆卜同埋雞蛋，份量大夠兩個人SHARE食，當日我自己一個人食哂有點太過。美中不足係$84但唔包飲品，如果包埋此處就必成我飯堂。