牛牛日式火鍋放題 (海之戀商場) (已結業)

難得放假屋企又冇人煮飯，就決定一個人放肆下食返個任食邊爐。屋企附近呢間牛牛日式火鍋放題之前都有食開，價錢三百幾蚊可以任食90分鐘。因為唔想成日食辣，我就叫咗一個膠原豬骨鍋，估唔到豬骨湯底味道超濃郁，而且又唔會太鹹同油膩，都幾啱我口味。咁多樣嘢入面最推介食佢哋嘅極上牛舌，因為口感真係十分爽口，越咬越嚼勁，越食越香牛肉味。跟住佢哋嘅海鮮都係好推介，因為全部都十分之新鮮，海蝦大隻又彈牙，蟶子鮮甜又好味。除咗打邊爐之外都可以叫佢地啲小食，竟然有我最鍾意食嘅日本大阪燒，太耐冇食啦所以都決定叫返個😆啲木魚碎真係好多啊！