牛八和牛燒肉屋 (已結業)

午市有套餐及放題，晏晝食唔到咁多嘢，揀套餐再加料就啱啱好。套餐有不同定食（燒肉、丼、石鍋飯、石鍋烏冬），我就揀咗燒肉定食。牛肋肉&牛胸腹定食（$72），追加肩脊肉（$35），揀咗鹽醬。套餐包三款前菜、牛尾清湯、白飯、飲品。老實講，三款肉都十分普通，沒太大分別，牛味亦唔重（係牛胸腹牛味重丁丁）。但以呢個價錢嚟講，算係合理啦（絕對止唔到咳，過吓癮都可以嘅）。另外勝在坐得舒服（一條友都可以坐四人枱），空間感十足。收加一服務費。