肥仔黎 (已結業)

鹽水雞分別 13：00 / 18：00 供應，售完即止。分別有獨享餐/半隻雞/一隻雞，另加一款配菜。好好彩，啱啱俾我買到最後一隻（$135），配菜要咗青瓜，另外揀咗BB辣。付款後，會收到個牌仔，然後係店外等，大概15分鐘就有得拎了。（外賣包裝好特別呢）回到家放入雪櫃保持凍食，開飯轉落隻大碗，份量原來都好多。至於味道如何，咸咸哋，少少辣，醬汁味道OK。脾位滑，胸位就一般般，雞皮爽，最正係完全冇肥膏。雞肉完全起哂骨（除脾翼尖外），方便食用。青瓜正常。