牛屋餐廳

營業中

休息中

估唔到過哂午飯時間，2：00打後去到，都仍然客似雲來。午餐：燒烤汁豬扒意粉（$56）凍檸茶（+$3）有餐包、紅/白餐湯。主菜超大碟，兩大塊豬扒，煎得好靚、好香，外層微脆，肉質軟腍；燒烤汁唔會過咸，調味剛剛好；意粉有𡁻頭有口感（亦可選白飯/薯菜/淨菜）；另外仲有些少沙律菜。整體嚟講，CP值高，唔怪得咁多人幫襯。都有一段時間冇食呢類型嘅午餐，久不久食一次，特別有風味。午餐都有威靈頓牛柳，有機會搵日試試。不收加一。只收現金。