青蛙仔香港地美食

營業中

休息中

呢間係旺角好巴閉嘅滷味店「肥姐」嘅大新抱開嘅新店。老實講，次次經過旺角排隊條龍都勁長，我就唔排嘞，呢度人少少唔使排，又話同一味道，咁就可以試吓。大皇牌（$40）有三串滷味，墨魚、大生腸、火雞腎，配上醬汁、甜醬、芥末醬。先試火雞腎，有五件，軟身得嚟又幾彈牙；跟住試大生腸，同樣有五件，爽口，有好些微生腸獨有嘅腥味（可接受）；最後食墨魚，有六件，由一條頗粗嘅墨魚鬚切件，唔韌，彈牙，好𡁻口。真心講，三樣嘅底味（原味）就無乜，但醬汁味的確唔錯，味道好夾呢啲滷味，所以整體係幾好食嘅。