大龍燒鵝餐廳小廚

營業中

休息中

經過門口，見到櫥窗掛起啲燒鵝脹卜卜幾好樣，於是走入去試試。燒鵝飯（$57）附送例湯或熱飲（凍飲 +$3）斬上碟嘅燒鵝賣相就無掛起嗰啲咁靚嘞。燒鵝份量OK嘅，都有十零件，而且大細都斬得合理。但可惜鵝肉唔算好多，偏向背位多骨。至於味道，燒鵝室溫，鵝皮唔脆，鵝肉稍咸，無咩煙燻味，十分普通。例湯味道唔錯，之後沒有特別口渴。以燒鵝飯來說，如此收費，質素一般，只可一試。