上海婆婆 (新都城中心) (已結業)

呢排流感好利害，不小心就生病了，請假去睇醫生，睇完醫生自己一個行商場想食lunch。由於病左，好多野都唔食得，就諗住清淡小小食上海婆婆，食個小籠包應該ok既！好少係上海婆婆食lunch,平時都係dinner時食。都好少自己一個係呢度lunch! 自己食真係第一次！原來lunch有set, 我食左個回鍋肉拉麵，配小籠包，價錢ok,好似六十蚊左右。但係回鍋肉就麻麻地，腩肉得兩三塊，薄薄的，食完好似無食過甘，味道還可。 不過我重點都係想食小籠包，一如既往，唔錯，皮薄，多湯，要好小心咁夾先得。自己一個人食拉麵又小籠包，幾滿足的！