Food Combo (已結業)

上星期又要自己一個食晚飯，所以又揀左一間良心小店嚟試下，果時夜晚七點幾，店內已經坐左大半滿，我坐低睇完餐牌就叫左一個細嘅西班牙海鮮飯，加多一杯凍朱古力，埋單HK$158。第一樣上嘅係凍朱古力，雖然成個杯都係冰，但係入口係有偏濃嘅朱古力香味，質感都飲得出有d厚度，並吾會似水，就算之後d冰近乎溶晒都仲飲到朱古力香味，佢本身有適中嘅甜味，偏大眾口味。7/10第二樣上嘅係西班牙海鮮飯（細），飯質濕潤偏淋，但係咬落又有輕微彈牙嘅口感，飯粒粒粒分明，材料有辣肉腸，青豆，洋蔥，紅青招，墨魚仔，青口，蝦，青豆味道略為太搶，墨魚口感彈牙，青口有正常鮮味，肉腸香辣，整體香而惹味，又吾會過濃，蝦肉質尚算彈牙亦有蝦味，可惜要自己剝殼（好彩刀叉都可以做到），分量略小（飯量偏多嘅人會吾夠。8/10至於環境方面，主要行温馨精緻風，備有石紋枱、木櫈、有字句嘅鐵杯、鐵製餐具，成個環境以白色調為主。7/10服務態度正常，冇比到我有咩特別嘅印象。7/10最後總結，今次晚餐比到人一種滿足嘅感覺，雖然某d地方尚有可以改進嘅地方，但係瑕不掩瑜，有機會會再嚟食多次，發掘一下新嘅美食。