Freshness Burger (已結業)

今日~~ 去左Freshness Burger 度dinner.呢度係一個好好hea的地方，因為個氣氛好casual, 好多sofa位，我地要了2個set. 每個set有小食，一個burger, 同埋一杯野飲。首先，小食要了個焗薯皮，同炸洋蔥圈。個焗薯皮有2件，好香芝士味，洋蔥圈幾大份，滿到倒了一些落個盤度。一咬落去，成條洋蔥咬左出0黎，不過都幾惹味的。另外，要了一個推介的牛肉漢堡，d肉幾夠淋，有好多肉汁，同埋有好多配料，好好味。野飲就要左一杯柚子soda, 同一杯橙汁soda, 哈，又幾好呀~~ 特別係柚子soda, 好多柚子皮碎，不過橙汁soda 會普通dd. 2杯都唔會好甜，唔似汽水。