影片
更多
2023-10-15
3 瀏覽
極少寫食評，但真係覺得有呢個需要。$588轉厚燒+$58，加牛舌$108，加聖子$98。我未食過一間鐵板燒會係煮熟啲食材先放上鐵板度燒！見到啲龍蝦整熟哂，起哂肉放埋一邊，上碟前先係鐵板上炒幾下，睇見都唔好食，鮑魚預先煮熟，切好一舊舊，一次過放上鐵板炒6人份量，跟住每兩人分12-15舊，好彩舊和牛唔係煮熟先放上去鐵板燒，但係！解凍都未解好！！外面係燒到正常，但入面係凍既，仲要有根！真心難食。食鐵板餐，鐵板炒飯都係基本！佢餐牌話轉左個咩秘訣炊飯！我食完一啖成碗比返佢！跟住佢就係你面前用鐵板炒個飯比佢自己食！個餐都未食完，啲員工一次過行哂去後門走廊，相信係一齊食煙，停哂野食足足等左15分鐘！我都唔想寫食評影響佢地生意，老實講香港做食市唔易，但收咁既價錢，連基本鐵板燒都做唔到，唔想其他人中伏！煮熟啲野，再放上去燒，我食左咁多次鐵板燒都係第一見！
$588轉厚燒+$58，
加牛舌$108，
加聖子$98。
我未食過一間鐵板燒會係煮熟啲食材先放上鐵板度燒！見到啲龍蝦整熟哂，起哂肉放埋一邊，上碟前先係鐵板上炒幾下，睇見都唔好食，鮑魚預先煮熟，切好一舊舊，一次過放上鐵板炒6人份量，跟住每兩人分12-15舊，好彩舊和牛唔係煮熟先放上去鐵板燒，但係！解凍都未解好！！外面係燒到正常，但入面係凍既，仲要有根！真心難食。
食鐵板餐，鐵板炒飯都係基本！佢餐牌話轉左個咩秘訣炊飯！我食完一啖成碗比返佢！跟住佢就係你面前用鐵板炒個飯比佢自己食！個餐都未食完，啲員工一次過行哂去後門走廊，相信係一齊食煙，停哂野食足足等左15分鐘！
我都唔想寫食評影響佢地生意，老實講香港做食市唔易，但收咁既價錢，連基本鐵板燒都做唔到，唔想其他人中伏！煮熟啲野，再放上去燒，我食左咁多次鐵板燒都係第一見！
張貼