九頭鳥米線

營業中

休息中

12:15pm到達，叫一個米線外賣，我詢問大概要等幾耐，收銀阿姐話要15-20分鐘，ok，我便去其他地方處理私事，諗住15分鐘後折返攞個外賣。返到去，門口都有7-8個人企喺度，嗰陣時間已經係12:40pm, 我走去收銀處問我個外賣有未，答覆話未有，就得；最後12:53pm, 我忍唔住…天氣好熱，35度高溫下，我著火了，再走入去憤怒地問：出左咩問題？等左7-8個字，我坐喺度食埋都得喇！究竟幾時有？然後有個阿姐先幫我跟….最後12:57pm我先攞到外賣!!!!!!! 龜速出外賣好離譜！如果我得一小時午飯時間，我就白白浪費左喺等呢個外賣上！九頭鳥….我變憤怒鳥😡😡 味道，一般般，湯好重口味，食完好口渴，隔離南記不輸佢，仲平過佢，出餐快過佢！香港地午飯時間最緊要快，出餐出得咁慢，唔該檢討！