影片
更多
2019-05-06
310 瀏覽
去屯門三聖食海鮮，本應係充滿期待，可能就係因為太大期望，換來更大的失望。禮拜日同屋企人去「泰海鮮」食晚飯，點知中大伏，泊車就預咗一係泊街交低$320，一係就泊爛地，不過一個鐘$40真係好過去搶，見到呢間餐廳有代客泊車，諗住應該會平過爛地，點知泊咗一個鐘就$50，食完餐飯唔高興之餘仲要泊車錢都俾得唔順，早知泊街益政府好過。海鮮自己買咗$1500，呢度埋單再加$1500，6個人食海鮮其實價錢係合理，但係質素真係用價錢反映出黎！非海鮮類別：第一味：燒汁豬扒，如果以一間普通大排檔黎講係合理。第二味：炸子雞，係好食，皮脆肉嫩，不過係唯一一樣我覺得好食嘅餸。第三味：生菜包，辣到我以為自己食緊辣椒。第四味：冬蔭功，唔講以為自己飲緊羅宋湯，色水已經好差，味道係甜多過酸辣。第五味：馬拉盞炒通菜，呢份連辣味都冇。海鮮類別：第六味：蒜蓉粉絲蒸蟶子王，蒸得老食落韌，廚師們真係要去再培訓。第七味：薑蔥炒蟹，真係好老實講，我未食過一碟冇味嘅炒蟹，佢係落芡落到炒蟹起咗層啫喱咁。第八味：芝士龍蝦伊麵，正如上述所講，班廚師真係要去再培訓，焗到龍蝦肉到硬埋。第九味：蒸魚，時間控制得好過其他，算係正常水準。總結，請我都唔會
海鮮自己買咗$1500，呢度埋單再加$1500，6個人食海鮮其實價錢係合理，但係質素真係用價錢反映出黎！
非海鮮類別：
第一味：燒汁豬扒，如果以一間普通大排檔黎講係合理。
第二味：炸子雞，係好食，皮脆肉嫩，不過係唯一一樣我覺得好食嘅餸。
第三味：生菜包，辣到我以為自己食緊辣椒。
第四味：冬蔭功，唔講以為自己飲緊羅宋湯，色水已經好差，味道係甜多過酸辣。
第五味：馬拉盞炒通菜，呢份連辣味都冇。
海鮮類別：
第六味：蒜蓉粉絲蒸蟶子王，蒸得老食落韌，廚師們真係要去再培訓。
第七味：薑蔥炒蟹，真係好老實講，我未食過一碟冇味嘅炒蟹，佢係落芡落到炒蟹起咗層啫喱咁。
第八味：芝士龍蝦伊麵，正如上述所講，班廚師真係要去再培訓，焗到龍蝦肉到硬埋。
第九味：蒸魚，時間控制得好過其他，算係正常水準。
總結，請我都唔會再食，完。
張貼
